ايه هى الكروت الافتراضية

الكروت الافتراضية نوع من انواع كروت الدفع الديجيتال الغير ملموسة على عكس الكروت البلاستيكية الهدف من اصدارها هى المدفوعات الاونلاين وده لان الكارت الافتراضى زى الكارت البنكى بالظبط وبيتم اصداره من شركات التكنولوجيا المالية بالشراكة مع البنوك المختلفة ولكن الفرق انه غير ملموس

الفرق بين الكروت الافتراضية والكروت المادية

الكروت الافتراضية والكروت المادية بيتشابهوا فى البيانات وبيكون ليهم نفس البيانات المتعارف عليها لكروت الدفع والى هى :-

• CARD NUMBER - رقم الكارت

• EXP DATE - تاريخ الانتهاء

• CVV - ألرقم السرى الخاص بالكارت

• CARD HOLDER NAME - اسم صاحب الكارت

ولكن الفرق بينهم طريقة الاستخدام و الاصدار والحماية

الكروت المادية العادية بتقدر تستخدمها مع ال ATM على عكس الكروت الافتراضية الى بتكون للدفع الاونلاين بس - مؤخرا وعن طريق تكنولوجيا ال NFC الكارت الافتراضى بقى زى الكارت المادى فى انك تقدر تستخدمه على ال ATM عن طريق ربطه على الموبايل واستخدام تكنولوجيا ال NFC ولكن حاليا لسه تحت التطوير

الكروت الافتراضية اجراءات استخراجها سهلة وبتقدر تستخرجها وتستخدمها فى مدة مش بتتعدى ال 20 دقيقة وده بيرجع لان الكارت الافتراضى مش بيحتاج عملية طباعة واصدار زى الكارت المادى الى بيحتاج من 10 ل 14 يوم عمل عشان يتم استخراجه الكروت الافتراضية اقوى فى الحماية بسبب انك تقدر تحط للكارت ليميت ميصرفش اكتر منه وكمان تقدر تلغيه فى اى وقت وتعمل غيره وكل ده بيتم من غير وقت وده خلى الكارت الافتراضي افضل فى الحماية من الكارت المادى العادى واتجه بنوك لانها تستخدمه بديل للكارت التقليدى وقريب جدا مش هنكون محتاجين للكروت البلاستيكية العادية وهيكون الكروت عباره عن كروت افتراضية مربوطه بالمحفظة على الموبايل

احنا فى لوتس قدمنالك اول كارت افتراضى مصرى بالدولار تقدر من خلاله

• تدفع كل اشتراكاتك اونلاين من غير ما تشيل هم الليميت

• تقدر تتابع الرصيد والمعاملات اونلاين من خلال الابلكيشن الخاص بينا

• تقدر تحول رصيد بين كروتك المختلفة بسهولة

• قريبا هيدعم الاستخدام من ال ATM يعنى مش هتكون محتاج لكارت بلاستيك مره تانية